Մայիսի 12-ը բուժքույրերի միջազգային օրն է

Այն ընտրվել է՝ ի պատիվ բուժքույրերի ծառայության հիմնադիր Ֆլորենս Նայթինգեյլի ծննդյան օրվա, և 1974 թվականից առիթն օգտագործվում է հումանիստական այս մասնագիտության տեր անձանց շնորհավորելու, նրանց աշխատանքը կարևորելու և կրկին երախտիքի խոսքեր հղելու համար:

Օրվա առթիվ  Չաարատ Կապան ընկերության գլխավոր տնօրեն Դավիթ Թովմասյանը շնորհավորել է  ընկերության բժշկական կենտրոնի բուժաշխատողներին։

Դավիթ Թովմասյանը ընկերության ողջ անձնակազմի անունից շնորհակալություն է հայտնել նրանց մասնագիտական առաքելությունը նվիրումով ու  պատասխանատվությամբ  կատարելու, աշխատակիցների նկատմամբ  հոգատար վերաբերմունքի համար։

Մասնագիտական տոնի կապակցությամբ բուժաշխատողները ընկերության կողմից արժանացան նաև դրամական պարգևների:

Մեկ անգամ ևս շնորհավորում ենք ընկերության  ամենահոգատար, ամենաուշադիր բուժքույրերին :

Հարգելի բուժքույրեր,

Գնահատանքի է արժանի ձեր նվիրական ու քրտնաջան ամենօրյա աշխատանքը:

Այցելություն վետերաններին

Ավանդույթի համաձայն, այս տարվա մայիսի 9-ին ևս ընկերության ուշադրության կենտրոնում Կապանում ապրող Հայրենական մեծ պատերազմի վետերաններն են, որոնց շարքերը, ցավոք, արդեն շատ են նոսրացել։
Հաղթանակի օրվա առթիվ ընկերության գլխավոր տնօրեն Դավիթ Թովմասյանն այցելել է վետերաններին, շնորհավորել նրանց ֆաշիզմի դեմ տարած հաղթանակի 77-րդ տարեդարձի առիթով: Դավիթ Թովմասյանը ընկերության ողջ կոլեկտիվի անունից շնորհակալություն է հայտնել նրանց՝ ծառայության ու կերտած հաղթանակի համար։ Վետերանները իրենց հերթին շնորհակալություն հայտնեցին ջերմ վերաբերմունքի ու իրենց չմոռանալու համար։
«Մենք շատ ենք գնահատում այս մոտեցումը, ավելին` այս տարիքին արդեն ապրում են այս ամենով, երբ գիտակցում ես, որ քո ու քո զինակից ընկերների կատարածը չի մոռացվել, ավելին՝ արժանանում է նման վերաբերմունքի»․- իր խոսքում նշեց Կապանի վետերաններ խորհրդի նախագահ Ռաֆիկ Հարությունյանը։
Հաղթանակի օրվա առթիվ, Հայրենականում ներդրում ունեցած ավանդի համար, վետերանները ընկերության կողմից ստացան դրամական աջակցություն:
Մեծ հայրենականի պատվելի վետերաններ, շնորհավորում ենք ձեզ հաղթանակի օրվա առթիվ, դուք այն հերոս մարդիկ եք, որոնք անցել են դժվարությունների միջով և այնպես արել, որ մենք կարողանանք ապրել ու աշխատել խաղաղ պայմաններում, ձեր սխրանքով սերունդ է մեծացել ու Հայրենիքի արժանավոր զավակ դաստիարակվել։
Սիրելի’ վետերաններ,
Դուք արժանի եք խորին հարգանքի և մշտական բարձր գնահատանքի:

Շնորհակալ ենք Հաղթանակի համար։

Ապրիլի 28-ը աշխատանքի անվտանգության միջազգային օրն է

Ինչպես միշտ, այս տարի ևս ընկերությունում օրվա առթիվ տոնական միջոցառում կազմակերպվեց։
Մեզ համար աշխատավայրում աշխատակիցների անվտանգության ապահովումն ու առողջության պահպանումը առաջնային ու կարևորագույն նախապայման է, ուստի աշխատանքի անվտանգության օրը հաշվի առնելով, որոշվեց այսուհետ յուրաքանչյուր տարի, ապրիլի 28-ին, ընկերության ստորաբաժանումներից ճանաչել տարվա ամենաանվտանգ աշխատատեղ՝ տարվա ընթացքում անվտանգության կանոններն ու պահանջները խստագույնս պահպանելու համար։ Այս տարի լավագույնը ճանաչվեց Հարստացուցիչ Ֆաբրիկան։
Շնորհավորում ենք բոլորիս աշխատանքի անվտանգության միջազգային օրվա կապակցությամբ: Թող աշխատավայրում միմիայն հաջողություններ ու ձեռքբերումներ ունենաք:
Անվտանգ աշխատանք բոլորիս։

Շուտով Կապանը կունենա ժամանակակից նոր նախակրթարան

Ապրիլի 27-ին ընկերության գլխավոր տնօրեն Դավիթ Թովմասյանն ու Կապան համայնքի ղեկավար Գևորգ Փարսյանը ստորագրեցին սոցիալ-տնտեսական համագործակցության համաձայնագիր, որով ընկերությունը ֆինանսավորելու է Կապան քաղաքի Լեռնագործների 16 հասցեում կառուցվող նախադպրոցական ուսումնական հաստատության հիմնանորոգման աշխատանքներն ավարտին հասցնելու ծրագիրը։
2022 թվականի համար նախատեսված է տրամադրել 130 միլիոն դրամ։ Նշենք, որ մինչ այս համաձայնագիրը նախորդ տարիներին ևս ընկերությունը տրամադրել է ավելի քան 140 միլիոն դրամ՝ նույն նախակրթարանի հիմնանորոգման աշխատանքների համար։
Հանդիպմանը ընկերության գլխավոր տնօրեն Դավիթ Թովմասյանը մեկ անգամ ևս վերահաստատեց, որ Չաարատ Կապանը սիրով է մասնակցում Կապան համայնքի բարեկեցությանն ուղղված ամենատարբեր ծրագրերի իրականացմանը, որոնցից մեկն արդեն հարազատ դարձած այս ծրագիրն ավարտին հասցնելն է, որը, ըստ պատասխանատուների իր ժամանակակից լուծումներով տարածաշրջանի լավագույն նախակրթարաններից մեկն է լինելու։
Կապանի համայնքապետ Գևորգ Փարսյանը իր խոսքում կարևորեց Կապանի կոմբինատի դերը համայնքի սոցիալ-տնտեսական խնդիրների լուծման գործում, և ևս մեկ անգամ շնորհակալություն հայտնեց ընկերության ղեկավարությանը՝ ամրապնդված համայնք-ընկերություն սերտ համագործակցության համար։
Նոր նախակրթարանի անհրաժեշտությունը չափազանց կարևոր է համայնքի համար, որի գործարկմամբ շուրջ 150 երեխայի հաճախելիության հարց է լուծվելու, ստեղծվելու են աշխատատեղեր ու ամենակարևորը կապանցի երեխաների դաստիարակության ու ժամանցի համար ստեղծվելու են լավագույն պայմանները։
Ծրագրի բարեհաջող ընթացքի դեպքում 2023 թվականի սեպտեմբերին նախակրթարանն արդեն պատրաստ կլինի ընդունելու իր առաջին սաներին։

Ավանդույթ դարձած ծառատնկի մեկնարկը տրված է

Ապրիլի 19-ին Գեղանուշ բնակավայրում իրականացվեց ծառատունկ՝ ընկերության աշխատակիցների ու համայնքի բնակիչների մասնակցությամբ։
Ծառատունկին մասնակցում էին նաև ընկերության գլխավոր տնօրեն Դավիթ Թովմասյանը և Չաարատ Գոլդ Հոլդինքսի արտադրության գծով տնօրեն Դարին Կուպերը։ Միջոցառմանը իրենց կարևոր ներդրումն ունեցան Գեղանուշի միջնակարգ դպրոցի աշակերտները, ովքեր մեծ ոգևորությամբ մասնակցեցին ծառատունկին։ Մինչ աշխատանքների մեկնարկը աշակերտների հետ անցկացվեց բաց դաս, ներկայացվեցին շրջակա միջավայրի նկատմամբ պատասխանատվության և նման միջոցառումների կարևորության մասին, իսկ աշակերտները իրենց հերթին խոստացան խնամել տնկած ծառերը։ Ծառատունկին մասնակցելու համար, որպես խրախուսանք աշակերտները ընկերության կողմից նաև նվերներ ստացան։
Այս ծրագրի համար ձեռք է բերվել շուրջ 400 տնկի՝ թխկի, բարդի, գլեդիչիա, կատալպա տեսակների, որոնք մթնոլորտային օդում առկա աղտոտիչները կլանելու հատկություն ունեն:

Ծառերի հետագա  խնամքը իրականացվելու է ընկերության աշխատակիցների և համայնքի բնակիչների հետ համատեղ։

Նշենք, որ ծրագիրը դեռ չի ավարտվել, առաջիկայում ծառեր կտնկվեն նաև ընկերության տարածքում, ինչպես նաև Կապան համայնքի այլ բնակավայրերում։

Ժամանակակից տեխնիկական միջոցների համալրում

Չաարատ Կապանի տեխնիկական միջոցների պարկը վերջերս համալրվեց նոր, ժամանակակից ապարաբարձիչ և ինքնաթափ մեքենաներով, որոնք նախատեսված են  ստորգետնյա աշխատանքների համար։

FT20  մակնիշի ստորգետնյա ինքնաթաը ավտոմատվացած է․  ունի լայն տեսողական դաշտ ու մի շարք  հարմարավետություն վարորդի համար:

Իսկ նորագույն տեխնոլոգիայով նախագծված  6,7 տոննա բեռնունակությամբ Sandvik LH307-ը ապահովում է առավելագույն արդյունավետություն անգամ ստորգետնյա ամենադժվար պայմաններում։

Ձեռք է  բերվել նաև ստորգետնյա  աշխատանքների համար նախատեսված  ևս 2 ապարաբարձիչ մեքենա։

Նշենք,  որ աշխատանքային հարմարավետ  ու ժամանակակից   պայմաններ ստեղծելուն  ուղղված ՝  տեխնիկական  միջոցների վերազինման գործընթացը  ընկերությունում շարունակական  բնույթ կունենա։

 

Կանանց միջազգային օրը ընկերությունում

Կանանց միջազգային  օրվա առթիվ  Չաարատ Կապանի ղեկավարությունը անակնկալ է մատուցել ընկերությունում աշխատող կին աշխատակիցների համար։

Ընկերության ղեկավար կազմը շրջել Է արտադրամասերով, բաժիններով ու ստորաբաժանումներով`  շնորհավորել ընկերության կանանց ու աղջիկներին տոնի առթիվ և  հանձնել նվերներ։

«Չաարատ Կապան» ՓԲ ընկերությունում աշխատում է  շուրջ 150 կին աշխատակից,  ովքեր ընկերության ընդհանուր աշխատակիցների 12 տոկոսն են կազմում, բայց կատարում են կարևոր ու պատասխանատու աշխատանք։  Նրանք  ընդգրկված են ընկերության բոլոր  աշխատանքներում՝  ստորգետնյա հանքից մինչև վարչական ապարատ։

Շնորհակալ ենք մեր կին գործընկերներին   իրենց կատարած ամենօրյա աշխատանքի ու հանքարդյունաբերության  աշխատողի  բեռը իրենց նուրբ  ուսերին կրելու համար։

Company activity in 2021

In 2021, Chaarat implemented several social programmes and hosted various events for the Kapan community. According to the memorandum of socio-economic cooperation signed between the Company and the Kapan Municipality, 117 million Armenian drams ( 232,511.92 USD) were provided by the Company and used for the implementation of subvention projects. In addition to these projects, the Company donated financial aid to the development of cultural, social, health and other programs implemented in the Kapan community.

The plans for 2021 are summarized in this video.

Chaarat Gold Holdings-ի նոր գլխավոր գործադիր տնօրեն Մայք Ֆրեյզերը այցելել է Կապան

«Chaarat Gold Holdings»-ի գլխավոր գործադիր տնօրեն Մայք Ֆրեյզերը այցելել էր Կապան։ Մայք Ֆրեյզերի այցը Չաարատ Կապան ճանաչողական էր, նա Chaarat Gold Holdings խմբին է միացել այս տարվա հունվարի 17-ից։
Այցի ընթացքում Մայք Ֆրեյզերը Չաարատ Գոլդ Հոլդինքսի արտադրության գծով տնօրեն Դարին Կուպերի և Չաարատ Կապան ընկերության գլխավոր տնօրեն Դավիթ Թովմասյանի ուղեկցությամբ այցելեց ընկերության արտադրական՝ ստորգետնյա և վերգետնյա տարածքներ, ծանոթացավ ձեռնարկության գործունեության ընթացքին, տեխնիկական հագեցվածությանը, աշխատանքային պայմաններին։
Ընկերության աշխատակիցների հետ անցկացված ճանաչողական հանդիպումների ընթացքում Մայք Ֆրեյզերը ներկայացրեց իր գործունեության առաջնահերթությունները, Չաարատ Գոլդ Հոլդինգսի առաջիկա ծրագրերն ու անելիքները։
«ՈՒրախ եմ, որ միացել եմ Չաարատի թիմին և կարծում եմ՝ համատեղ ուժերով կարողանալու ենք հաջողություններ արձանագրել մեր ընկերության գործունեության մեջ։ Շնորհակալ եմ Չաարատ Կապան ընկերության բոլոր աշխատակիցներին իրենց կատարած ամենօրյա աշխատանքի ու ջերմ ընդունելության համար,- իր խոսքում նշեց Մայք Ֆրեյզերը։ Նա հանդիպումների ընթացքում վստահեցրեց, որ ընկերությունը շարունակելու է իրականացնել ծրագրեր Կապան համայնքի բնակիչների բարեկեցության համար։
«Մենք, գործունեություն իրականացնելով Կապանում , նաև գիտակցում ենք, որ ոչ միայն այսօրվա, այլ նաև ապագայի համար պետք է աշխատենք, սրտացավորեն մոտենանք համայնքի խնդիրներին ու դրանց լուծմանն ուղղված մեր աջակցությունն առաջարկենք։ Ուստի բոլորս պետք է մեր աշխատանքով նպաստենք, որ համայնքի համար իրականցվող ծրագրերն ու ներդրումները տարեցտարի ավելանան»,- նշեց նա։

Հանդիպումների ընթացքում ընկերության ղեկավար անձնակազմն ու աշխատակիցները ևս ողջունեցին Մայք Ֆրեյզերին և որպես թիմի անդամ պատրաստակամություն հայտնեցին միասին համատեղել փորձն ու գիտելիքները՝ ի նպաստ ընկերության առաջընթացի։

Ճանապարհեցինք՝ վաստակած հանգստի

Աշխատանքային տարիքի լրանալու կապակցությամբ Չաարատ Կապանի մի շարք աշխատակիցներ վաստակած հանգստի անցան։ Ընկերության գլխավոր տնօրեն Դավիթ Թովմասյանն աշխատակիցներին հանձնեց շնորհակալագիր և նվերներ՝ երկարամյա ու բեղմնավոր աշխատանքի, վաստակած հանգստի անցնելու առթիվ։ Դավիթ Թովմասյանը շնորհավորեց նրանց երկարամյա վաստակի համար, և շնորհակալություն հայտնեց, որ իրենց մասնագիտական ունակությունները տարիներ շարունակ բարեխղճորեն ծառայեցրել են ի նպաստ ընկերության զարգացմանը։

Աշխատակիցները իրենց հերթին շնորհակալություն հայտնեցին ընկերության ղեկավարությանը՝ իրենց տարիների աշխատանքը նման գնահատանքի արժանացնելու համար։