Կապանի պատմության թանգարանում նոր սրահ բացվեց

 «Չաարատ Կապան» ՓԲ ընկերության և Կապանի համայնքապետարանի հետ համագործակցության հերթական ծրագիրը ևս կյանքի կոչվեց: Սեպտեմբերի 21-ին շահագործման հանձնվեց Չաարատ Կապանի  կողմից վերանորոգված  Կապանի Շմավոն Մովսիսյանի անվան պատմության թանգարանի նոր սրահը: Բացման հանդիսավոր արարողությանը ներկա էին   Չաարատ Կապան ՓԲ ընկերության գլխավոր տնօրեն Դավիթ Թովմասյանը, Կապանի համայնքապետ Գևորգ Փարսյանը  և այլ հյուրեր:  Նոր սրահը նվիրված է  լինելու Սյունիք հանքարդյունաբերական կազմակերպությունների պատմությանը, որտեղ կցուցադրվեն արխիվային լուսանկարներ, նյութեր, հանքագործի աշխատանքային պարագաներ և այլ նյութեր: Սրահի առաջին  ցուցադրությանը ներկայացված էր Կապանի կոմբինատի պատմությունը:

Ուրախ ենք, որ հնարավորություն ընձեռվեց ընկերությանը ևս  մասնակցություն ունենալ այս սրահի ստեղծման գործում, որը  սիրելի վայր կդառնա ոչ միայն կապանցիների, այլ նաև քաղաքի հյուրերի համար:

Նվերներ՝ առաջին դասարանցիներին

Երկրում տիրող համաճարակային իրավիճակից ելնելով ս եպտեմբերի մեկը՝ Նոր  ուսումնական տարվա մեկնարկն այս տարի տարբերվեց, հատկապես առաջին դասարանցիների համար: Օրը տոնական դարձնելու համար Չաարատ Կապանում ընկերության աշխատակիցների առաջին դասարան հաճախող երեխաների համար տոնական միջոցառում էր կազմակերպվել:

 

Ընկերության գլխավոր տնօրեն Դավիթ Թովմասյանն ու «Չաարատ Գոլդ Հոլդինգսի» արտադրության գծով տնօրեն Դարին Կուպերը երեխաներին   նվերներ հանձնեցին և հաջողություններ մաղթեցին ուսումնառության  մեջ:

 

Այս տարի ընկերության աշխատակիցների 50 երեխա հաճախելու է առաջին դասարան:

Հաշվի առնելով համաճարակային իրավիճակը երեխաների մուտքն ընկերություն իրականցվեց՝ համաճարակային նորմերը պահպանելով և  սահմանված քանակով:

 

Տեխնիկական միջոցների արդիականացումը շարունակվում է

Չաարատ Կապանում տեխնիկական միջոցների արդիականացման ծրագիրն արդեն իրականություն է: Վերջերս արդեն շահագործման ենք հանձնել    ստորգետնյա հանքարդյունաբերական բեռնվածքի ժամանակակից 2 բեռնաթափիչ FL07 և  ստորգետնյա հանքարդյունահանման բեռնատար FT 20 տեխնիկական միջոցները:  Վերջիններս գերժամանակակից են, անվտանգ և հարմարավետ:

Արտադրության արդյունավետության  բարձրացմանն համար հարստացուցիչ ֆաբրիկան ևս վերազինվեց ժամանակակից սարքավորումներով: Ձեռք է բերվել  նոր հիդրոցիկլոն 400-ը, որի մեջ  ներառված  է 1 բաժանարար 6 հիդրոցիկլոն: Այն  մոդեռնիֆիկացված է, դասակարգչի դեր  ունի, նպաստում է  մանրացման աստիճանի բարձրացմանը:

Մեզ համար կարևոր է  անվտանգ և հարմարավետ աշխատանքային պայմաններ ապահովել  մեր աշխատակիցների համար, որին ուղղված  ընկերությունը շարունակելու է  իրականացնել տեխնիկական միջոցների վերազինման  ծրագրեր և առաջիկայում ևս  ընկերության տեխնիկական պարկը կհամալրվեն արդիականացված, հարմարավետ և  անվտանգ մեքենաներով:

Դավիթ Թովմասյանի շնորհավորանքը՝ Կապանի օրվա առթիվ

Սիրելի՛ կապանցիներ,

«Չաարատ Կապան» ՓԲ ընկերության աշխատակիցների ու իմ անունից շնորհավորում եմ բոլորիս Կապանի օրվա կապակցությամբ:
82 տարի առաջ Կապանը քաղաքի կարգավիճակ ստացավ և արդեն 8 տասնամյակ է՝ աշխատավոր կապանցու բազկի ու արարումի շնորհիվ քաղաքն առանձնանում է իր տեսակով: Կապանը յուրահատուկ հմայք ունի, հերոսական պատմություն ու խոստումնալից ապագա:
Հպարտությամբ ենք արձանագրում, որ Կապանի կառուցման ու զարգացման գործում զգալի է նաև Կապանի կոմբինատի նախկին և ներկա աշխատակիցների ներդրումը։
Լինելով Կապանի ամենամեծ գործատուն մեր ընկերությունը մեծ սիրով է մասնակցում համայնքի զարգացմանն ուղղված ծրագրերի իրականացմանը:
Բոլոր կապանցիներին ցանկանում եմ խաղաղություն, առողջություն, հայրենի քաղաքում արարելու ու բարեկեցիկ կյանքով ապրելու հնարավորություն:
Թող Կապանը միշտ ապրի բոլորիդ մեջ ու երբեք չկասկածեք, որ ապրում եք աշխարհի ամենաջերմ, գեղեցիկ ու յուրահատուկ քաղաքում, և թող բոլորիս գործուն մասնակցությամբ մեր քաղաքը էլ ավելի լավը դարձնենք:

Շնորհավոր տո’նդ, Կապա՛ն:

Հարգանքով` Դավիթ Թովմասյան:

Համավարակի կանխարգելումը՝ ուշադրության կենտրոնում

Չաարատ Կապանը շարունակում է իրականացնել տարատեսակ ծրագրեր նոր կորոնավիրուսի կանխարգելմանն ուղղված: Հերթական նախաձեռնությունը ընկերության աշխատակիցների կողմից է՝ Կապանի բժշկական կենտրոնի համար:

Համաճարակի բռնկման առաջին օրվանից ընկերության տարածքում տեղադրվեց հանգանակությունների արկղ՝ որից գոյացած գումարով Կապանի բժշկական կենտրոնի համար ձեռք բերվեց ձեռքերի արագ ախտահանման համար նախատեսված ինքնահեն դիսպենսեր սարքեր և ախտահանիչ նյութեր:
Բժշկական կենտրոնի ողջ անձնակազմը իր շնորհակալությունը հայտնեց ընկերության բոլոր աշխատակիցներին նման կարևոր նախաձեռնության համար: Դիսպենսերները կծառայեն բժշկական կենտրոնին ոչ միայն համավարակի օրերին, այլեւ միշտ:

Լավագույն աշխատակիցները պարգևատրվել են

«Չաարատ Կապանում» արդեն ավանդույթ է դարձել հանքագործի և մետալուրգի մասնագիտական օրվա առթիվ պարգևատրել ընկերության լավագույն աշխատակիցներին: Այս տարի ևս ընկերության գլխավոր տնօրեն Դավիթ Թովմասյանի կողմից մասնագիտական բարձր վարպետության, բարեխիղճ աշխատանքի, արտադրության արդյունավետության բարձրացման գործում ներդրում ունենալու համար ընկերության 15 աշխատակից արժանացավ շնորհակալագրի եւ դրամական պարգևի։
Չխախտելով ավանդույթը՝ Հայաստանի Հանրապետության լեռնագործների, մետալուրգների և ոսկերիչների արհեստակցական կազմակերպությունների ճյուղային հանրապետական միությունը ևս ընկերության 4 աշխատակցի լեռնամետալուրգիայի ոլորտում ներդրած ավանդի և «Չաարատ Կապան» ՓԲ ընկերությունում արգասաբեր գործունեության համար պարգևատրել է միության հուշամեդալով ու դրամական պարգևով։
Այս տարի հանքարդյունաբերության և մետալուրգիայի ոլորտում երկարամյա գործունեության և աշխատակիցների սոցիալ-տնտեսական խնդիրների լուծման գործում ունեցած ավանդի համար Հանրապետության լեռնագործների, մետալուրգների և ոսկերիչների արհեստակցական կազմակերպությունների ճյուղային հանրապետական միության հուշամեդալով, ինչպես նաև Հայաստանի արհմիությունների կոնֆեդերացիայի պատվոգրով պարգևատրվեց ընկերության գլխավոր տնօրեն Դավիթ Թովմասյանը:
Շնորհավորում ենք պարգևատրվածներին և մաղթում նորանոր հաջողություններ:

Դավիթ Թովմասյանի շնորհավորանքը հանքագործի և մետալուրգի օրվա առթիվ

Սիրելի՛ գործընկերներ
Հուլիսի 19-ը հանրապետության արդյունաբերության, տնտեսության զարգացման մեջ մեծ ավանդ և ներդրում ունեցող աշխատողների մասնագիտական տոնն է: Հանքարդյունաբերությունը Հայաստանի զարգացող տնտեսության հիմնասյուներից է, որի ամրությունն ու կայունությունը նաև ձեզնից է կախված:
Հանքագործի և մետալուրգի օրվա առթիվ շնորհավորում եմ բոլորիդ, ոլորտի աշխատակիցներին, մասնագետներին և լեռնագործի պատվավոր ուղիով անցած վետերաններին։
Պատվելի՛ լեռնագործներ
Ձեր կատարած աշխատանքը անգնահատելի է, կյանքի համար անհրաժեշտ ու միշտ պահանջարկ ունեցող: Ձեր քրտնաջան աշխատանքի պարգևը երկրի տնտեսական զարգացումն է, մեր սիրելի՝ Կապան համայնքի օրեցօր բարեկարգվող տեսքը, մեր համաքաղաքացիների խնդիրներին սատար կանգնելը:
Ընդունեք իմ անկեղծ երախտագիտությունը ձեր աշխատանքի բարձր կատարողականի, ընկերության գործունեության բնականոն ընթացքի, այն ռիսկի համար, որը դուք կրում եք ամեն օր՝ արդյունաբերությունում աշխատելիս:
Վստահ եմ, որ ձեր մասնագիտական բարձր կարողությունների շնորհիվ հետագայում ևս հաջողությամբ կիրականացնենք մեր առջև դրված խնդիրներն ու կնպաստենք երկրի կայուն զարգացմանը:
Մաղթում եմ ձեզ աշխատանքային հետագա հաջողություններ, առողջություն և ընտանեկան ջերմություն:
Հպարտորեն կրեք հանքագործի կոչումը և սիրեք ձեր աշխատանքը:

Հարգանքով՝ Դավիթ Թովմասյան

Հանձնիր թղթի թափոն, փրկիր ծառ

Հունիսի 5-ին՝ Շրջակա միջավայրի համաշխարհային օրվա կապակցությամբ, ձեռնարկության ստորաբաժանումների միջև անցկացվեց թղթի թափոնի հավաքագրման մրցույթ, որին ակտիվ մասնակցություն ունեցան ընկերության աշխատակիցները։ Ընկերության ղեկավարության կողմից մասնակիցներն ու հաղթող բաժինը խրախուսվեցին: Այս տարվա ակտիվ մասնակիցը ստորգետնյա հանքի անձնակազմն է։
Ընդհանուր հավաքվել է 536 կգ թուղթ, որը հանձնվելու է թափոններ հավաքագրող և վերամշակող կազմակերպություններին։ Թուղթը կիլոգրամների վերածելով՝ աշխատակիցների ջանքերով այսօր փրկվեց 5 ծառ: Նշենք, որ «Չաարատ Կապան» ՓԲ ընկերության բնապահպանության բաժինը ոչ միայն հունիսի 5-ին, այլև ամբողջ տարին իրականացնում է ընկերությունում օգտագործված թղթե թափոնների հավաքագրում և հանձնում թափոններ հավաքագրող և վերամշակող կազմակերպություններին:
Այս տարվա հավաքագրված թղթից ստացած հասույթով ձեռք է բերվելու տնկիներ, որոնք աշնանը կծառայեն ընկերության կողմից իրականացվող կանաչապատ տարածքների ընդլայնման ծրագրին:

 

Մայիսի 12-ը բուժքույրերի միջազգային օրն է

«Չաարատ Կապան» ՓԲ ընկերության գլխավոր տնօրեն Դավիթ Թովմասյանը շնորհավորել է ընկերության բժշկական կենտրոնի բուժաշխատողներին մասնագիտական տոնի կապակցությամբ: Դավիթ Թովմասյանը ընկերության ողջ կոլեկտիվի անունից շնորհակալություն է հայտնել նրանց բարեխիղճ ու անմնացորդ աշխատանքի համար և բարեմաղթանքի խոսքեր հղել:
«Սիրելի բուժքույրեր անհնար է չգնահատել ձեր կատարած աշխատանքը, յուրաքանչյուր աշխատակցի նկատմամբ ձեր հոգատարությունն ու սրտացավությունը: Հատկապես համաճարակային այս օրերին ընկերության աշխատակիցների առողջության պահպանման ուղղված աշխատանքներում դուք մեծ ներդրում ունեցաք, առանց վախի կատարեցիք ու շարունակում եք կատարել ձեր անշահախնդիր աշխատանքը, ինչի համար ևս մեկ անգամ շնորհակալ ենք »,- իր խոսքում նշեց ընկերության տնօրենը:
Մասնագիտական տոնի, ինչպես նաև նվիրված աշխատանքի համար բուժաշխատողները ընկերության կողմից ստացան դրամական պարգևներ:

Հաշվի առնելով օրվա խորհուրդը՝ շնորհավորում ենք բոլոր բուժքույրերին՝ մասնագիտական տոնի կապակցությամբ՝ մաղթելով առողջություն, հաջողություն և երջանկություն:
Սիրելի բուժքույրեր,
Եղեք միշտ հմայիչ և ժպտադեմ:

Աջակցություն՝ Հայրենական մեծ պատերազմի վետերաններին

Ավանդույթի համաձայն այս տարի ևս մայիսի 9-ին՝ Հաղթանակի և խաղաղության տոնի կապակցությամբ, «Չաարատ Կապան»  ՓԲ ընկերության աշխատակիցներն այցելեցին Կապանում ապրող Հայրենական պատերազմի վետերաններին:  Հաղթանակի 75 ամյակի առթիվ, Հայրենական մեծ պատերազմում մեծ ներդրում  ունեցած ավանդի համար հայրենականի վետերանները  ընկերության կողմից արժանացան դրամական աջակցության:

Մեր պապերի սխրանքը գնահատելն ու արժևորելը յուրաքանչյուրիս պարտքն է: Վետերանների համար միշտ շատ կարևոր է եղել զգալ բոլորի աջակցությունն ու գնահատված լինելը:

 

Հայրենական մեծ պատերազմին մասնակցել է 7000 կապանցի. նրանցից 3036-ը տուն չվերադարձավ: Կապանն ունեցավ Խորհրդային միության 3 հերոս: